سيد حجاب 1940-2017 شاعر عامية مصري عرف بكتابة أشعاره باللهجة العامية المصرية للكثير من الأعمال الدرامية والتلفزيونية المصرية.
"كلمات أغاني الشاعر سيد حجاب"
- مسلسل أرابيسك.
- مسلسل العائلة.
- مسلسل المرسى والبحار.
- مسلسل الأيام.
- مسلسل عصفور النار.
- مسلسل وقال البحر.
- مسلسل البحار مندى.
- مسلسل الوسية.
- مسلسل أميرة في عابدين.
- مسلسل بوابة الحلواني.
- مسلسل ليالي الحلمية.
- مسلسل المال والبنون.
- مسلسل كناريا وشركاه.
- مسلسل شرف فتح الباب.
- مسلسل الحقيقة والسراب.
- مسلسل قاسم أمين.
- مسلسل أرابيسك.
وينفلت من بين إيدينا الزمان
كأنه سحبة قوس فى أوتار كمان
وتنفطر ليام عقود كهرمان
يتفرفط النور والحنان والأمان
وينفلت من بين إيدينا الزمان
الشر شرق وغرب داخل لحوشنا
حوشوا لا ريح شاردة تقشقش عشوشنا
حوشوا شرارة تطيش تشقق عروشنا
وتغشنا المرايات تشوش وشوشنا
وتهيل تراب ع الهالة والهيلمان
وينفلت من بين إيدينا الزمان
الغش طرطش رش ع الوش بوية
ما دريتش مين بلياتشو أو مين رزين
شاب الزمان وشقيقى مش شكل أبويا
شاهت وشوشنا تهنا بين شين وزين
ولسه ياما وياما ح نشوف كمان
وينفلت من بين إيدينا الزمان
- مسلسل العائلة.
حلي ضفايرك ضليلة
ولملمينا يا أصيلة
عشاق ترابك أحبابك
وكلنا أهل وعيلة
احنا اللى يوم الفدا رحنا
نفديكي ونضحي بروحنا
وضحكنا حتى على جروحنا
ضحكتنا هونت الشيلة
وأنتي اللي نسهر فى هواكي
وتدوب قلوبنا فى نجواكي
ولا عمرنا نحب سواكي
ونصون جميلك ياجميلة
آه ياجميلة
نديكي حب وتدينا
ونمد للشمس أيدينا
ولو تعبنا تاخدينا
ناخد فى حضنك تعسيلة
ونقوم ولا شيء يوقفنا
لا أبو جهل جهله يحرفنا
ولا أبو لهب حيخوفنا
ماحناش ضعاف قللات حيلة
آه يا جميلة
- مسلسل المرسى والبحار.
تتر البدايه
يا مركب العمر يا مشبوح مابين هلبين
تتشد منهم تعيش في الشك ما بين بين
تنفك منهم تتوه مندوه في بحر البين
ولفين نروح ياريت كان لي يا هو قلبين
متقولش اصلك وفصلك قول حليم ستار
هتغمي بإديك عنيك تعمى الخطى وتحتار
عقلك في راسك وملزوم كل تختار
عيش في الحقيقة ليندار نصلها البتار
وتحشك النار وتتسوى على الجنبين
مين وابن مين الحياه ميهمهاش اصلك
اصلك بفعلك تواصل فعله ويوصلك
فعلك ده من عقلك ان طاوعته رقص لك
زمنك ودنياك واذا قصقصته نغص لك
زمنك ودنياك فشوف واختار ما بين دربين
تتر النهايه
يا مركب العمر هو العمر كام واحد
يا عيشته كله يا ضيعه وعليك واحد
متقولش أصلك وفصلك كلنا واحد
من اصل واحد ورب الكون إله واحد
تقول زماني رماني او زماني اندار
تتوه في ليل الاماني في موج عالي وغدار
تقول زماني عماني وداربي طال بي ودار
تضيع في بحر الزمن وتعيش غريب الدار
تلقى الحياه راحت
وإن كان زمان الزمان ملا ليل جدودك نور
واتعصبوا بتاج دهب في قصور من البنور
ما هم كمان ادوا ياما وكل شئ بالدور
وهم برضه اللي خلوا بينا الزمن ده يدور
والعالم ارتاحت
- مسلسل الأيام.
ايام ورا ايام ورا ايام ورا ايام
لا الجرح يهدى ولا الرجاء بينام
ماشي فى طريق الشوق ماشي
لكن قلبي مطرح ما يمشي يبدر الاحلام
العتمه سور والنور بيتواري
وش للفجاري في زمان النوح
ميته تخطى السور يا نوره
ويهل عطرك علي الخلا ويفوح
ويشدنا لقدام
من عتمه الليل النهار راجع
ومهما طال الليل بيجي نهار
مهما تكون فيه عتمه ومواجع
العتمه سور يجى النهار تنهار
وضهرنا ينقام
- مسلسل عصفور النار.
----------
كلمات تتر البداية
----------
عصفور النار طار على دارنا
النار النار ح تودرنا
وتطول اكبرنا واخضرنا
احضرنا يا قمرنا احضرنا
أطهر قلوب الدنيا قلب الهيب
أصدق لسان كان لسان اللهب
جنون غضب بعه السكون الرهيب
تصفى النيران وتبان حقيقة الدهب
يا نار ويا نار كونى برد وسلام
وطهرى روحنا نقيم الصلا
وكونى نور مبدور فى قلب الضلام
واهدى قلوب متشردين فى الخلا
----------
كلمات تتر النهايه
----------
هموا يا بنات الحور
ده القمر جاى م البحور
هموا يا ولادات لاقوه
لا الليالى يخنقوه
جاى من ورا الليل والجراح
وسط الرياح فارد جناح
يا ساحة الحلم القديم المستباح
يا واحة العيد البعيد الفل فاح
وانزاح يا ليل ده الفجر لاح
ولا كل مين طال نال وطاح
ولا كل مين باح استراح
ولا كل شىء راح من ايدينا يبقى راح
ورا كل خنقة جاى صباح رباح براح
وانزاح يا ليل ده الفجر لاح.
- مسلسل وقال البحر.
آه من هدير البحر لما يزوم
آه من فحيح الريح لما تقوم
يوم بعد يوم طير البصير بيحوم
والدنيا ماشية فى طريق مرسوم
الشمس حامية ورامية الناس فى سكتها
وقلوبنا تبكى وأحلامنا تسكتها
ياما بيبان مقفولين تفتحها احلامنا
يا بيبان الايدين الطايشة سكتها
الموجة دايمة ورامية الخلق فى التوهة
لو سابوا ايد بعض ضاعوا فى سكة معتوهة
ياللى انتوا فاكرين هاتاخدوا الدنيا وحديكوا
الدنيا واخداكوا مش انتوا اللى خدتوها
- مسلسل البحار مندى.
اسكندرية الصبية بنية إمبارح
أموت فى عودها السرح وف رمشها السارح
شرح هواها وشعورها شبك وليل طارح
ع البحر والبحر فى ننى العيون بارح
دى اسكندرية عروسة بحرها مالح
يا اسكندرانى يا بستانى ف جناين الريح
يا قانى جواك سما وشمس وغنا تباريح
أحلى ما فيك يا وله إنك جدع وصريح
وطيب القلب تضحك حتى وانت جريح
وان عاندك الموج تداديه انت وتصالح
دى اسكندرية عروسة بحرها المالح
يا اسكندرية يا مياسة محنية
يا بنت بحرى يا ساكنة فى قلبى وعينيا
فى الحر ع البر تجرى مستأنية
يرشك البحر ميه ترشى حنية
ع الدنيا ويصيب حشايا سهمك الجارح
دى اسكندرية عروسة بحرها المالح
شى الله يا أباصيرى نظرة يا أبا الدردار
مدد يا مرسى وكراماتك يا سيدى ياقوت
خيركو علينا يوافينا ف مينا وف داردار
بركاتكو حلت علينا وع العيال والقوت
وعلمتنا ما نمشيش إلا فى الصالح
دى اسكندرية عروسة بحرها المالح
- مسلسل الوسية.
----------
كلمات تتر المقدمة
----------
مين اللى قال الدنيا دى وسية
فيها عبيد مناكيد وفيها السيد
سوانا رب الناس سواسية
لا حد فينا يزيد ولا يخس ايد
جينا الحياه زى الندا ابرياء
لا رضعنا كدب ولا اتفطمنا برياء
طب ليه رمانا السيف على الزيف
وكيف نواجهه غير بالصدق والكبرياء
مين اللى قال الدنيا دى وسية
فيها عبيد مناكيد وفيها السييد
سوانا رب الناس سواسية
لا حد فينا يزيد ولا يخس ايد
عش يا ابن ادم بِكر زى الشجر
موت وانت واقف زيه فى مطرحك
ولا تنحنى لمخلوق بشر او حجر
و شب فوق مهما الزمان جرحك
مين اللى قال الدنيا دى وسية
فيها عبيد مناكيد وفيها السييد
سوانا رب الناس سواسية
لا حد فينا يزيد ولا يخس ايد
----------
كلمات تتر النهاية
----------
و تستمر الحياه بين ابتسامه واه
فيها اللى تاه فى دُجاه و اللى ضميره هداه
و تستمر الحياه بين ابتسامه واه
فيها اللى تاه فى دوجاه و اللى ضميره هداه
و كل ضيقه بعدها وسعه
و هى دى الحقيقه بس منسيه
وكلنا ولاد تسعه و بنسعى
و دى مش وسية الناس سواسيه
و تستمر الحياه بين ابتسامه واه
فيها اللى تاه فى دُجاه و اللى ضميره هداه
و تستمر الحياه بين ابتسامه واه
فيها اللى تاه فى دوجاه و اللى ضميره هداه
لملم جروحك يا حزين و امشى
خطوه كمان و تخف آللامك
و احلم بعين صاحيه
ولا تنامشى غير لما تقطف زهر احلامك
مانتيش وسية احنا زهرة شبابك وكلنا سواسية
بندق بابك عاشقين ترابك . كحلة العين هواكى
واحنا فداكى و بكره هنعيد شبابك
واحنا فداكى و بكره هنعيد شبابك
واحنا فداكى و بكره هنعيد شبابك
- مسلسل أميرة في عابدين.
----------
كلمات تتر المقدمة
----------
ياللى تقول مكتوب علينا الهوان
لا الدنيا سيرك ولا الزمن بهلون!
شى الله يا طاهرة يا رئيسة الديوان
آن الأوان نبقى احنا آن الأوان
واديكو يا ولاد الأصول شاهدين
وادى الأميرة أميرة فى عابدين
ياللى الزمان خدكو لفوق فى صعوده
ورجع وخان ضعتوا ف بروقه وردعوده
عودوا لأصولكو تانى للأرض عودوا
ده اللى يمد جدوره يشتد عوده
كلمة قالولها جدودكم الخالدين
وآدى الأميرة أميرة فى عابدين
يا قلبى زيح غيم الضلال عن عينيك
وعيش وعيد زمن البراءة القديم
وخد اللى ليك والعن جدود لاعنيك
واعلا على كل الهشيم والرديم
يا قلبى داحنا وبكره متواعدين
وآدى الأميرة أميرة فى عابدين
----------
كلمات تتر النهاية
----------
بركة دعا الوالدين ليوم الدين
تِحمينا من كل العدا اللاّبدين
وكلنا شاهدين
وقلوبنا مناخدين
وأميرة راجعة أميرة فى عابدين
ياللى اكتشفت ان انت عشت فى خداع
وإنّ ماضى العمر ع الفاضى ضاع
إياك تقول: مليت يا دنيا وداع
ليل الجراح راح والصباح بعدين
وكلنا شاهدين
يا قلبى لسه كل شىء مستطاع
صحصح كده وفتح عينيك الوساع
وافرد شراع حلمك ومد الدراع
لبكره تلقى بكره بين الإيدين
وكلنا شاهدين.
- مسلسل بوابة الحلواني
بندق ندق بوابه الحياة للايدين قومي
قومي افتحي لولادك الطيبين قومي
اللي بني مصر كان في الاصل حلواني
وعشان كدة مصر يا ولاد حلوة الحلوات
وادي وبوادي وبحور وجسور ومواني
توحيد وفكر وصلاه تراتيل غنا وابتهالات
وكل دا في مصر ياولاد
مصر يا ولاد حلوة الحلوات
اللي بني مصر كان في الاصل حلواني
وعشان كدة مصر يا ولاد حلوة الحلوات
اللي بني مصر كان حلواني ياولاد حلواني
اسمه علي بوابتها لا زال ولا زايل
ساعه الهوايل يقوم قايل يا بلداه
ويجي شايل هيلاهوب شايل حمولها ويعدل المايل
وعشان كدة مصر يا ولاد حلوة الحلوات
اللي بني مصر كان حلواني ياولاد حلواني
وعشان كدة مصر يا ولاد حلوة الحلوات
باحلم يا صاحبي وانا لسه باحبي
بدنيا تانيه ومصر جنه يا صاحبي
واجي احقق الحلم القى موج عالي طاح بي
ونعود سوا نطوي الانين بالحنين
وعشان كدة مصر يا ولاد حلوة الحلوات
اللي بني مصر كان حلواني ياولاد حلواني
وعشان كدة مصر يا ولاد حلوة الحلوات
- مسلسل ليالي الحلمية
----------
كلمات تتر المقدمة
----------
منين بيجي الشجن من اختلاف الزمن
ومنين بيجي الهوى من ائتلاف الهوى
ومنين بيجي السواد من الطمع والعناد
ومنين بيجي الرضا من الايمان بالقضا
من انكسار الروح في دوح الوطن
يجي احتضار الشوق في سجن البدن
من اختمار الحلم يجي النهار يعود
غريب الدار لـ أهل وسكن
منين بيجي الشجن من اختلاف الزمن
ومنين بيجي الهوى من ائتلاف الهوى
ومنين بيجي السواد من الطمع والعناد
ومنين بيجي الرضا من الايمان بالقضا
ليه يا زمان ما سبتناش أبرياء
وواخدنا ليه في طريق ما منوش رجوع
أقسى همومنا يفجر السخرية
وأصفى ضحكة تتوه في بحر الدموع
منين بيجي الشجن من اختلاف الزمن
ومنين بيجي الهوى من ائتلاف الهوى
ومنين بيجي السواد من الطمع والعناد
ومنين بيجي الرضا من الايمان بالقضا
----------
كلمات تتر النهاية
----------
ولفين ياخدنا الأنين لليالي ما الهاش عينين
ولفين ياخدنا الحنين لواحة الحيرانين
ما تسرسبيش يا سنيننا من بين ايدينا
ولا تنتهيش ده احنا يا دوب ابتدينا
واللى له أول بكرة حيبان له آخر
وبكرة تفرج مهما ضاقت علينا
ولفين ياخدنا الأنين
لليالي ما الهاش عينين
ولفين ياخدنا الحنين
لواحة الحيرانين
لابد من بكرا اللى طال أنتظاره
ده مهما طال الليل بيطلع نهاره
ومهما طال درب الهموم والمساخر
لابد ما يعود المسافر لداره
ولفين ياخدنا الأنين
لليالي ما الهاش عينين
ولفين ياخدنا الحنين
لواحة الحيرانين
- مسلسل المال والبنون
قالو زمان دنيا دنية غرورة
وقلنا و اللي تغره يخسر مصيره
قالوا الشيطان قادر و له ألف صورة
قلنا ما يقدر ع اللى خيره لغيره
قالو زمان دنيا دنيه وغروره
وقلنا واللى تغره تخسر مصيره
قالوا الشيطان قادر وله الف صوره
قلنا ما يقدر ع اللى خيره لغيره
ايه معنى دنيتنا وغايه حياتنا
اذا بعنا فطرتنا البريئه الرقيقه
وازاى نبص لروحنا جوه مرايتنا
اذا احنا عشنا هربانين م الحقيقه
المال تجيبه الريح وتاخده الهوايل
اما البنون يوم الحساب بيفتونا
مال ايه دا لو كان مال قارون كله زايل
ولا غير عمايل الخير ياهوووه انجدونا
قالو زمان دنيا دنيه وغروره
وقلنا واللى تغره تخسر مصيره
قالوا الشيطان قادر وله الف صوره
قلنا مل يقدر ع اللى خيره لغيره
ومين نكون ان بعنا يومنا وماضينا
وليه نعيش اذا كانش بكره يراضينا
وازاى ننام من غير ما نحلم ببكره
وبكره دا منين يجى الا بادينا
قالوا زمان دنيا دنيه وغروره
وقولنا واللى تغره يخسر مصيره
قالوا الشيطان قادر وله الف صوره
قلنا ما يقدر ع اللى خيره لغيره
- مسلسل كناريا وشركاه
دى دمعة من قلبى على الخد جارية
ولا دى بسمة نسمة فى مسامّى سارية
لا لا دى أرواح طاهرة طايرة ف براح
وذكرى عمر ف توهة وف توبة راح
يا قلبى عيش على زقزقات الكناريا
بين دنيا دايره جروحها فى روحنا غايرة
وأمانى فايرة فى دنيا تانية مغايرة
فيه قلة جايره وقلة غايرة ومعايرة
والناس مسايرة وحايرة أو فاهمة قارية
يا قلبى عيش على زقزقات الكناريا
بين رهبة م التوهة وتوبة برغبة
سددنا ديننا وغيرنا أغنى وأغبى
وقلوب مصاحبة الحق صاحية ومشاغبة
وقلوب تدوب ما تتوب ولا هيه دارية
يا قلبى عيش على زقزقات الكناريا
- مسلسل شرف فتح الباب
شرف الأستاذ شرف فتح الباب جاب ضرف
ولا حظه اتنصف وأخد حقه وغلب
يمكن لحظة ترف يمكن
واتعشم بالطرف يمكن
ماحسبهاش وانحرف يمكن
في التيار و انجرف
شرف الأستاذ شرف
الدنيا يا ابن الناس مهيش جاه ومال
وراحة البال فين اذا حالها مال
و ابن الحلال عمره ما يمشي في ضلال
والبركة ما تحل إلا على مال حلال
وهييجي يوم تلقى المخبي اتعرف
شرف الأستاذ شرف
ومش المهم تبيع لمين أو بكام
هتبيع تضيع وسط الكرام والِلئام
لا ابن الحلال يتربى من مال حرام
ولا للضلال ان الحرام احترام
ولا كرامة للي باع الشرف
شرف الأستاذ شرف
- مسلسل الحقيقة والسراب
----------
كلمات تتر المقدمه
----------
دنيا و ناس فى التوهة متبعترة
احلى ما فى الدنيا دى ايه يا ترى
حاجات كتيرة كبيرة و صغيرة
شمس و قمر و نجوم و ميه و هوا
و قلوب تدوب ما تتوب فى ليل الهوى
و عيون تضم الكون وتحلم سوا
حاجات لا هى بتنباع و لا بتنشرى
ياللى تقول ان اللى حياة جاه و مال
حاسب لتبنى قصور رمال ع الرمال
بأيه يفيد المال اذا الضهر مال
على اللى خسر روحه و طغى و افترى
ياللى تقول ان الحياه مال وجاه
حاسب لتتشرد فى كل اتجاه
ده الحب هو و بس بر النجاه
و احلى ما فالدنيا مهما جرى
دنيا و ناس فى التوهة متبعترة
احلى ما فى الدنيا دى ايه يا ترى
حاجات كتيرة كبيرة و صغيرة
----------
كلمات تتر النهايه
----------
وبعدهالك مالك ومالنا
يادنيا حالك فوق احتمالنا
ولا صنتي مالنا ولا جمالنا
بس احنا لسة حاضنين امالنا
وامالنا فى الحب لو شاغلنا
نحب روحنا الحياة تاخدنا
في حضنها و الحنان يسودنا
واد ما ندى اد جودنا
يجود بجودنا ويطيب عملنا
وبعدهالك مالك ومالنا
نحب ناسنا الحياة تزيدنا
حياة وناسنا تاخد بأيدينا
ينفك ايدنا و النور يقيدنا
وبعدهالك مالك ومالنا
- مسلسل قاسم أمين
----------
كلمات تتر المقدمه
----------
الحق والحرية روح الوجود
هما جناحين النهوض والصعود
ينداسوا يتساوى الوجود والعدم
وان سادوا سدنا الدنيا والخير يسود
وسلام لمين قاد شمعة تضوى الضلام
وسلام على أرواح آباءنا الكرام
فى جنة الأبرار فى دار الخلود
إياك تقول المرأة غرقة وضلال
أو خيبة أو حية بتغوى الرجال
دى الست لراجلها نعيم فى الحلال
بساتين محبة وفرحة طارحة الورود
والحق والحرية روح الوجود
فى الأمة لما الأم تبقى أمة
البنت جارية واخوها مهما نما
يعيش عينيه فى الأرض مش فى السما
كما عيد دون لا يصون وداد أو عهود
والحق والحرية روح الوجود.
----------
كلمات تتر النهايه
----------
ولكل ضيقة انفراج
مهما الزبد هاج وماج
شكرا لمين قاد سراج
إذا الضلام ساد وراج
وكل منصف آمين
وقف مع المظلومين
نوره على جبينا تاج
لما دعا الداعى زمان للسفور
ما دعاش لتعرية صدور أو فجور
لكن دعا للعلم والعقل نور
والحق والحرية غير لاعوجاج
ولكل ضيقة انفراج
ياه ع الجمال يا رجال لما يزين الكمال
شيلوا الحجاب عن عقولنا الجهل فاق لاحتمال
الفجر والكفر فقر
الفقر نقص الخيال
والكفر ده فقر روح مش نقص مال واحتياج
ولكل شيقه انفراج
 |
| سيد حجاب |
"كلمات أغاني الشاعر سيد حجاب"
- مسلسل أرابيسك.
- مسلسل العائلة.
- مسلسل المرسى والبحار.
- مسلسل الأيام.
- مسلسل عصفور النار.
- مسلسل وقال البحر.
- مسلسل البحار مندى.
- مسلسل الوسية.
- مسلسل أميرة في عابدين.
- مسلسل بوابة الحلواني.
- مسلسل ليالي الحلمية.
- مسلسل المال والبنون.
- مسلسل كناريا وشركاه.
- مسلسل شرف فتح الباب.
- مسلسل الحقيقة والسراب.
- مسلسل قاسم أمين.
- مسلسل أرابيسك.
وينفلت من بين إيدينا الزمان
كأنه سحبة قوس فى أوتار كمان
وتنفطر ليام عقود كهرمان
يتفرفط النور والحنان والأمان
وينفلت من بين إيدينا الزمان
الشر شرق وغرب داخل لحوشنا
حوشوا لا ريح شاردة تقشقش عشوشنا
حوشوا شرارة تطيش تشقق عروشنا
وتغشنا المرايات تشوش وشوشنا
وتهيل تراب ع الهالة والهيلمان
وينفلت من بين إيدينا الزمان
الغش طرطش رش ع الوش بوية
ما دريتش مين بلياتشو أو مين رزين
شاب الزمان وشقيقى مش شكل أبويا
شاهت وشوشنا تهنا بين شين وزين
ولسه ياما وياما ح نشوف كمان
وينفلت من بين إيدينا الزمان
- مسلسل العائلة.
حلي ضفايرك ضليلة
ولملمينا يا أصيلة
عشاق ترابك أحبابك
وكلنا أهل وعيلة
احنا اللى يوم الفدا رحنا
نفديكي ونضحي بروحنا
وضحكنا حتى على جروحنا
ضحكتنا هونت الشيلة
وأنتي اللي نسهر فى هواكي
وتدوب قلوبنا فى نجواكي
ولا عمرنا نحب سواكي
ونصون جميلك ياجميلة
آه ياجميلة
نديكي حب وتدينا
ونمد للشمس أيدينا
ولو تعبنا تاخدينا
ناخد فى حضنك تعسيلة
ونقوم ولا شيء يوقفنا
لا أبو جهل جهله يحرفنا
ولا أبو لهب حيخوفنا
ماحناش ضعاف قللات حيلة
آه يا جميلة
- مسلسل المرسى والبحار.
تتر البدايه
يا مركب العمر يا مشبوح مابين هلبين
تتشد منهم تعيش في الشك ما بين بين
تنفك منهم تتوه مندوه في بحر البين
ولفين نروح ياريت كان لي يا هو قلبين
متقولش اصلك وفصلك قول حليم ستار
هتغمي بإديك عنيك تعمى الخطى وتحتار
عقلك في راسك وملزوم كل تختار
عيش في الحقيقة ليندار نصلها البتار
وتحشك النار وتتسوى على الجنبين
مين وابن مين الحياه ميهمهاش اصلك
اصلك بفعلك تواصل فعله ويوصلك
فعلك ده من عقلك ان طاوعته رقص لك
زمنك ودنياك واذا قصقصته نغص لك
زمنك ودنياك فشوف واختار ما بين دربين
تتر النهايه
يا مركب العمر هو العمر كام واحد
يا عيشته كله يا ضيعه وعليك واحد
متقولش أصلك وفصلك كلنا واحد
من اصل واحد ورب الكون إله واحد
تقول زماني رماني او زماني اندار
تتوه في ليل الاماني في موج عالي وغدار
تقول زماني عماني وداربي طال بي ودار
تضيع في بحر الزمن وتعيش غريب الدار
تلقى الحياه راحت
وإن كان زمان الزمان ملا ليل جدودك نور
واتعصبوا بتاج دهب في قصور من البنور
ما هم كمان ادوا ياما وكل شئ بالدور
وهم برضه اللي خلوا بينا الزمن ده يدور
والعالم ارتاحت
- مسلسل الأيام.
ايام ورا ايام ورا ايام ورا ايام
لا الجرح يهدى ولا الرجاء بينام
ماشي فى طريق الشوق ماشي
لكن قلبي مطرح ما يمشي يبدر الاحلام
العتمه سور والنور بيتواري
وش للفجاري في زمان النوح
ميته تخطى السور يا نوره
ويهل عطرك علي الخلا ويفوح
ويشدنا لقدام
من عتمه الليل النهار راجع
ومهما طال الليل بيجي نهار
مهما تكون فيه عتمه ومواجع
العتمه سور يجى النهار تنهار
وضهرنا ينقام
- مسلسل عصفور النار.
----------
كلمات تتر البداية
----------
عصفور النار طار على دارنا
النار النار ح تودرنا
وتطول اكبرنا واخضرنا
احضرنا يا قمرنا احضرنا
أطهر قلوب الدنيا قلب الهيب
أصدق لسان كان لسان اللهب
جنون غضب بعه السكون الرهيب
تصفى النيران وتبان حقيقة الدهب
يا نار ويا نار كونى برد وسلام
وطهرى روحنا نقيم الصلا
وكونى نور مبدور فى قلب الضلام
واهدى قلوب متشردين فى الخلا
----------
كلمات تتر النهايه
----------
هموا يا بنات الحور
ده القمر جاى م البحور
هموا يا ولادات لاقوه
لا الليالى يخنقوه
جاى من ورا الليل والجراح
وسط الرياح فارد جناح
يا ساحة الحلم القديم المستباح
يا واحة العيد البعيد الفل فاح
وانزاح يا ليل ده الفجر لاح
ولا كل مين طال نال وطاح
ولا كل مين باح استراح
ولا كل شىء راح من ايدينا يبقى راح
ورا كل خنقة جاى صباح رباح براح
وانزاح يا ليل ده الفجر لاح.
- مسلسل وقال البحر.
آه من هدير البحر لما يزوم
آه من فحيح الريح لما تقوم
يوم بعد يوم طير البصير بيحوم
والدنيا ماشية فى طريق مرسوم
الشمس حامية ورامية الناس فى سكتها
وقلوبنا تبكى وأحلامنا تسكتها
ياما بيبان مقفولين تفتحها احلامنا
يا بيبان الايدين الطايشة سكتها
الموجة دايمة ورامية الخلق فى التوهة
لو سابوا ايد بعض ضاعوا فى سكة معتوهة
ياللى انتوا فاكرين هاتاخدوا الدنيا وحديكوا
الدنيا واخداكوا مش انتوا اللى خدتوها
- مسلسل البحار مندى.
اسكندرية الصبية بنية إمبارح
أموت فى عودها السرح وف رمشها السارح
شرح هواها وشعورها شبك وليل طارح
ع البحر والبحر فى ننى العيون بارح
دى اسكندرية عروسة بحرها مالح
يا اسكندرانى يا بستانى ف جناين الريح
يا قانى جواك سما وشمس وغنا تباريح
أحلى ما فيك يا وله إنك جدع وصريح
وطيب القلب تضحك حتى وانت جريح
وان عاندك الموج تداديه انت وتصالح
دى اسكندرية عروسة بحرها المالح
يا اسكندرية يا مياسة محنية
يا بنت بحرى يا ساكنة فى قلبى وعينيا
فى الحر ع البر تجرى مستأنية
يرشك البحر ميه ترشى حنية
ع الدنيا ويصيب حشايا سهمك الجارح
دى اسكندرية عروسة بحرها المالح
شى الله يا أباصيرى نظرة يا أبا الدردار
مدد يا مرسى وكراماتك يا سيدى ياقوت
خيركو علينا يوافينا ف مينا وف داردار
بركاتكو حلت علينا وع العيال والقوت
وعلمتنا ما نمشيش إلا فى الصالح
دى اسكندرية عروسة بحرها المالح
- مسلسل الوسية.
----------
كلمات تتر المقدمة
----------
مين اللى قال الدنيا دى وسية
فيها عبيد مناكيد وفيها السيد
سوانا رب الناس سواسية
لا حد فينا يزيد ولا يخس ايد
جينا الحياه زى الندا ابرياء
لا رضعنا كدب ولا اتفطمنا برياء
طب ليه رمانا السيف على الزيف
وكيف نواجهه غير بالصدق والكبرياء
مين اللى قال الدنيا دى وسية
فيها عبيد مناكيد وفيها السييد
سوانا رب الناس سواسية
لا حد فينا يزيد ولا يخس ايد
عش يا ابن ادم بِكر زى الشجر
موت وانت واقف زيه فى مطرحك
ولا تنحنى لمخلوق بشر او حجر
و شب فوق مهما الزمان جرحك
مين اللى قال الدنيا دى وسية
فيها عبيد مناكيد وفيها السييد
سوانا رب الناس سواسية
لا حد فينا يزيد ولا يخس ايد
----------
كلمات تتر النهاية
----------
و تستمر الحياه بين ابتسامه واه
فيها اللى تاه فى دُجاه و اللى ضميره هداه
و تستمر الحياه بين ابتسامه واه
فيها اللى تاه فى دوجاه و اللى ضميره هداه
و كل ضيقه بعدها وسعه
و هى دى الحقيقه بس منسيه
وكلنا ولاد تسعه و بنسعى
و دى مش وسية الناس سواسيه
و تستمر الحياه بين ابتسامه واه
فيها اللى تاه فى دُجاه و اللى ضميره هداه
و تستمر الحياه بين ابتسامه واه
فيها اللى تاه فى دوجاه و اللى ضميره هداه
لملم جروحك يا حزين و امشى
خطوه كمان و تخف آللامك
و احلم بعين صاحيه
ولا تنامشى غير لما تقطف زهر احلامك
مانتيش وسية احنا زهرة شبابك وكلنا سواسية
بندق بابك عاشقين ترابك . كحلة العين هواكى
واحنا فداكى و بكره هنعيد شبابك
واحنا فداكى و بكره هنعيد شبابك
واحنا فداكى و بكره هنعيد شبابك
- مسلسل أميرة في عابدين.
----------
كلمات تتر المقدمة
----------
ياللى تقول مكتوب علينا الهوان
لا الدنيا سيرك ولا الزمن بهلون!
شى الله يا طاهرة يا رئيسة الديوان
آن الأوان نبقى احنا آن الأوان
واديكو يا ولاد الأصول شاهدين
وادى الأميرة أميرة فى عابدين
ياللى الزمان خدكو لفوق فى صعوده
ورجع وخان ضعتوا ف بروقه وردعوده
عودوا لأصولكو تانى للأرض عودوا
ده اللى يمد جدوره يشتد عوده
كلمة قالولها جدودكم الخالدين
وآدى الأميرة أميرة فى عابدين
يا قلبى زيح غيم الضلال عن عينيك
وعيش وعيد زمن البراءة القديم
وخد اللى ليك والعن جدود لاعنيك
واعلا على كل الهشيم والرديم
يا قلبى داحنا وبكره متواعدين
وآدى الأميرة أميرة فى عابدين
----------
كلمات تتر النهاية
----------
بركة دعا الوالدين ليوم الدين
تِحمينا من كل العدا اللاّبدين
وكلنا شاهدين
وقلوبنا مناخدين
وأميرة راجعة أميرة فى عابدين
ياللى اكتشفت ان انت عشت فى خداع
وإنّ ماضى العمر ع الفاضى ضاع
إياك تقول: مليت يا دنيا وداع
ليل الجراح راح والصباح بعدين
وكلنا شاهدين
يا قلبى لسه كل شىء مستطاع
صحصح كده وفتح عينيك الوساع
وافرد شراع حلمك ومد الدراع
لبكره تلقى بكره بين الإيدين
وكلنا شاهدين.
- مسلسل بوابة الحلواني
بندق ندق بوابه الحياة للايدين قومي
قومي افتحي لولادك الطيبين قومي
اللي بني مصر كان في الاصل حلواني
وعشان كدة مصر يا ولاد حلوة الحلوات
وادي وبوادي وبحور وجسور ومواني
توحيد وفكر وصلاه تراتيل غنا وابتهالات
وكل دا في مصر ياولاد
مصر يا ولاد حلوة الحلوات
اللي بني مصر كان في الاصل حلواني
وعشان كدة مصر يا ولاد حلوة الحلوات
اللي بني مصر كان حلواني ياولاد حلواني
اسمه علي بوابتها لا زال ولا زايل
ساعه الهوايل يقوم قايل يا بلداه
ويجي شايل هيلاهوب شايل حمولها ويعدل المايل
وعشان كدة مصر يا ولاد حلوة الحلوات
اللي بني مصر كان حلواني ياولاد حلواني
وعشان كدة مصر يا ولاد حلوة الحلوات
باحلم يا صاحبي وانا لسه باحبي
بدنيا تانيه ومصر جنه يا صاحبي
واجي احقق الحلم القى موج عالي طاح بي
ونعود سوا نطوي الانين بالحنين
وعشان كدة مصر يا ولاد حلوة الحلوات
اللي بني مصر كان حلواني ياولاد حلواني
وعشان كدة مصر يا ولاد حلوة الحلوات
- مسلسل ليالي الحلمية
----------
كلمات تتر المقدمة
----------
منين بيجي الشجن من اختلاف الزمن
ومنين بيجي الهوى من ائتلاف الهوى
ومنين بيجي السواد من الطمع والعناد
ومنين بيجي الرضا من الايمان بالقضا
من انكسار الروح في دوح الوطن
يجي احتضار الشوق في سجن البدن
من اختمار الحلم يجي النهار يعود
غريب الدار لـ أهل وسكن
منين بيجي الشجن من اختلاف الزمن
ومنين بيجي الهوى من ائتلاف الهوى
ومنين بيجي السواد من الطمع والعناد
ومنين بيجي الرضا من الايمان بالقضا
ليه يا زمان ما سبتناش أبرياء
وواخدنا ليه في طريق ما منوش رجوع
أقسى همومنا يفجر السخرية
وأصفى ضحكة تتوه في بحر الدموع
منين بيجي الشجن من اختلاف الزمن
ومنين بيجي الهوى من ائتلاف الهوى
ومنين بيجي السواد من الطمع والعناد
ومنين بيجي الرضا من الايمان بالقضا
----------
كلمات تتر النهاية
----------
ولفين ياخدنا الأنين لليالي ما الهاش عينين
ولفين ياخدنا الحنين لواحة الحيرانين
ما تسرسبيش يا سنيننا من بين ايدينا
ولا تنتهيش ده احنا يا دوب ابتدينا
واللى له أول بكرة حيبان له آخر
وبكرة تفرج مهما ضاقت علينا
ولفين ياخدنا الأنين
لليالي ما الهاش عينين
ولفين ياخدنا الحنين
لواحة الحيرانين
لابد من بكرا اللى طال أنتظاره
ده مهما طال الليل بيطلع نهاره
ومهما طال درب الهموم والمساخر
لابد ما يعود المسافر لداره
ولفين ياخدنا الأنين
لليالي ما الهاش عينين
ولفين ياخدنا الحنين
لواحة الحيرانين
- مسلسل المال والبنون
قالو زمان دنيا دنية غرورة
وقلنا و اللي تغره يخسر مصيره
قالوا الشيطان قادر و له ألف صورة
قلنا ما يقدر ع اللى خيره لغيره
قالو زمان دنيا دنيه وغروره
وقلنا واللى تغره تخسر مصيره
قالوا الشيطان قادر وله الف صوره
قلنا ما يقدر ع اللى خيره لغيره
ايه معنى دنيتنا وغايه حياتنا
اذا بعنا فطرتنا البريئه الرقيقه
وازاى نبص لروحنا جوه مرايتنا
اذا احنا عشنا هربانين م الحقيقه
المال تجيبه الريح وتاخده الهوايل
اما البنون يوم الحساب بيفتونا
مال ايه دا لو كان مال قارون كله زايل
ولا غير عمايل الخير ياهوووه انجدونا
قالو زمان دنيا دنيه وغروره
وقلنا واللى تغره تخسر مصيره
قالوا الشيطان قادر وله الف صوره
قلنا مل يقدر ع اللى خيره لغيره
ومين نكون ان بعنا يومنا وماضينا
وليه نعيش اذا كانش بكره يراضينا
وازاى ننام من غير ما نحلم ببكره
وبكره دا منين يجى الا بادينا
قالوا زمان دنيا دنيه وغروره
وقولنا واللى تغره يخسر مصيره
قالوا الشيطان قادر وله الف صوره
قلنا ما يقدر ع اللى خيره لغيره
- مسلسل كناريا وشركاه
دى دمعة من قلبى على الخد جارية
ولا دى بسمة نسمة فى مسامّى سارية
لا لا دى أرواح طاهرة طايرة ف براح
وذكرى عمر ف توهة وف توبة راح
يا قلبى عيش على زقزقات الكناريا
بين دنيا دايره جروحها فى روحنا غايرة
وأمانى فايرة فى دنيا تانية مغايرة
فيه قلة جايره وقلة غايرة ومعايرة
والناس مسايرة وحايرة أو فاهمة قارية
يا قلبى عيش على زقزقات الكناريا
بين رهبة م التوهة وتوبة برغبة
سددنا ديننا وغيرنا أغنى وأغبى
وقلوب مصاحبة الحق صاحية ومشاغبة
وقلوب تدوب ما تتوب ولا هيه دارية
يا قلبى عيش على زقزقات الكناريا
- مسلسل شرف فتح الباب
شرف الأستاذ شرف فتح الباب جاب ضرف
ولا حظه اتنصف وأخد حقه وغلب
يمكن لحظة ترف يمكن
واتعشم بالطرف يمكن
ماحسبهاش وانحرف يمكن
في التيار و انجرف
شرف الأستاذ شرف
الدنيا يا ابن الناس مهيش جاه ومال
وراحة البال فين اذا حالها مال
و ابن الحلال عمره ما يمشي في ضلال
والبركة ما تحل إلا على مال حلال
وهييجي يوم تلقى المخبي اتعرف
شرف الأستاذ شرف
ومش المهم تبيع لمين أو بكام
هتبيع تضيع وسط الكرام والِلئام
لا ابن الحلال يتربى من مال حرام
ولا للضلال ان الحرام احترام
ولا كرامة للي باع الشرف
شرف الأستاذ شرف
- مسلسل الحقيقة والسراب
----------
كلمات تتر المقدمه
----------
دنيا و ناس فى التوهة متبعترة
احلى ما فى الدنيا دى ايه يا ترى
حاجات كتيرة كبيرة و صغيرة
شمس و قمر و نجوم و ميه و هوا
و قلوب تدوب ما تتوب فى ليل الهوى
و عيون تضم الكون وتحلم سوا
حاجات لا هى بتنباع و لا بتنشرى
ياللى تقول ان اللى حياة جاه و مال
حاسب لتبنى قصور رمال ع الرمال
بأيه يفيد المال اذا الضهر مال
على اللى خسر روحه و طغى و افترى
ياللى تقول ان الحياه مال وجاه
حاسب لتتشرد فى كل اتجاه
ده الحب هو و بس بر النجاه
و احلى ما فالدنيا مهما جرى
دنيا و ناس فى التوهة متبعترة
احلى ما فى الدنيا دى ايه يا ترى
حاجات كتيرة كبيرة و صغيرة
----------
كلمات تتر النهايه
----------
وبعدهالك مالك ومالنا
يادنيا حالك فوق احتمالنا
ولا صنتي مالنا ولا جمالنا
بس احنا لسة حاضنين امالنا
وامالنا فى الحب لو شاغلنا
نحب روحنا الحياة تاخدنا
في حضنها و الحنان يسودنا
واد ما ندى اد جودنا
يجود بجودنا ويطيب عملنا
وبعدهالك مالك ومالنا
نحب ناسنا الحياة تزيدنا
حياة وناسنا تاخد بأيدينا
ينفك ايدنا و النور يقيدنا
وبعدهالك مالك ومالنا
- مسلسل قاسم أمين
----------
كلمات تتر المقدمه
----------
الحق والحرية روح الوجود
هما جناحين النهوض والصعود
ينداسوا يتساوى الوجود والعدم
وان سادوا سدنا الدنيا والخير يسود
وسلام لمين قاد شمعة تضوى الضلام
وسلام على أرواح آباءنا الكرام
فى جنة الأبرار فى دار الخلود
إياك تقول المرأة غرقة وضلال
أو خيبة أو حية بتغوى الرجال
دى الست لراجلها نعيم فى الحلال
بساتين محبة وفرحة طارحة الورود
والحق والحرية روح الوجود
فى الأمة لما الأم تبقى أمة
البنت جارية واخوها مهما نما
يعيش عينيه فى الأرض مش فى السما
كما عيد دون لا يصون وداد أو عهود
والحق والحرية روح الوجود.
----------
كلمات تتر النهايه
----------
ولكل ضيقة انفراج
مهما الزبد هاج وماج
شكرا لمين قاد سراج
إذا الضلام ساد وراج
وكل منصف آمين
وقف مع المظلومين
نوره على جبينا تاج
لما دعا الداعى زمان للسفور
ما دعاش لتعرية صدور أو فجور
لكن دعا للعلم والعقل نور
والحق والحرية غير لاعوجاج
ولكل ضيقة انفراج
ياه ع الجمال يا رجال لما يزين الكمال
شيلوا الحجاب عن عقولنا الجهل فاق لاحتمال
الفجر والكفر فقر
الفقر نقص الخيال
والكفر ده فقر روح مش نقص مال واحتياج
ولكل شيقه انفراج
